لاہور وچ دُدھ پیائی دی رسم اُتے فساد، سوانیاں سنے 15بندے زخمی

لاہور وچ دُدھ پیائی دی رسم اُتے فساد، سوانیاں سنے 15بندے زخمی

لاہور(پاکستان پوائنٹ نیوز16۔اپریل2018ء) لاہور وچ دُدھ پیائی دی رسم اُتے فساد، سوانیاں سنے 15بندے زخمی۔ تفصیل مطابق ویاہ دیاں تقریباں وچ کئی قسم دیاں رسماں کیتیاں جاندیاں جو ویاہ دی رونق نوں ہور ودھا دیندیاں نیں۔ ایہناں رسماں وچوں اک رسم دُدھ پیائی دی وی اے جیہدے وچ لاڑھے دیاں سالیاں اوہنوں دُدھ پیاندیاں تے بدلے وچ پیسیاں دی منگ کر دیاں نیں۔

پر لاہور وچ ہون والے اک ویاہ دوران ایہ رسم ادا کردے ہوئے لڑائی ہوگئی۔ لاہور وچ تھانا سندر دے علاقے مراکہ وچ ویاہ دی تقریب وچ دُدھ پیائی دی رسم دوران لاڑھے تے لاڑھی والیاں دا آپس وچ جھیڑا ہو گیا۔ دوویں گروپاں نے اک دوجے نوں تشدد دا نشانہ وی بنایا جیہدے نتیجے وچ اک سوانی بے ہوش جدکہ 12بندے زخمی ہو گئے۔ لاڑھے ندیم حبیب آباد توں جنج لیکے لاہور ویاہ لئی آیا سی۔ دُدھ پیائی دی رسم دوران اوہدیاں سالیاں نے 2ہزار رُپئے دی منگ کیتی جدکہ مُنڈے والے اک ہزار رُپئے دین اُتے اڑے رہے۔ ایس بحث دوران دوواں وچکار لڑائی ہو گئی۔ دوویں گروپاں نے اک دوجے نوں تشدد دا نشانہ وی بنایا۔