شمالی چھاؤنی وچ حساس ادارے دے (ر) افسر نوں فائرنگ کر کے قتل کر دتا گیا

لاہور(پاکستان پوائنٹ نیوز14۔فروری2018ء) شمالی چھاؤنی دے علاقے وچ حساس ادارے دے (ر) افسر نوں فائرنگ کر کے قتل کر دتا گیا اے۔ پولیس مطابق میجر (ر) نذیر احمد بنک توں پنشن لین گیا سی کہ بنک دے باہر ای اوہناں نوں ڈاکوواں نے گھیر لیا۔ ڈاکوواں نال مزاحمت دے نتیجے وچ اوہ ہلاک ہو گئے۔ پولیس دا کہنا اے کہ لاش نوں قبضے وچ لے کے کارروائی شروع کر دتی گئی اے، چھیتی ای ملزم نوں گرفتار کر لیا جائے گا۔ چیتے رہوے کہ دو دن پہلے ساؤتھ کینٹ وچ وی مین روڈ اُتے فائرنگ کر کے حساس ادارے دے (ر) افسر نوں قتل کر دتا گیا سی۔