سیالکوٹ وچ تیزاب گردی: نامعلوم بندیاں نے 4بھیناں اُتے تیزاب سُٹ دتا

سیالکوٹ (پاکستان پوائنٹ نیوز13۔فروری2018ء) سیالکوٹ وچ تیزاب گردی دا دُکھ بھریا واقعہ ساہمنے آیا اے۔ نامعلوم بندیاں نے چار بھیناں اُتے تیزاب سُٹ دتا۔ میڈیا رپورٹس مطابق سیالکوٹ وچ مراد پور دے علاقے بونکن وچ نامعلوم بندیاں نے چار بھیناں اُتے تیزاب سُٹ دتا۔ تیزاب دی وجہ توں چارے بھیناں ڈاڈھی طرحاں متاثر ہوئیاں۔ ریسکیو عملے نے متاثرہ کُڑیاں نوں گورنمنٹ میموریل ہسپتال منتقل کر دتا اے۔ مثاثرہ کُڑیاں وچ 20ورھیاں دی افشاں، 8ورھیاں دی آمنہ، 7ورھیاں دی عائشہ تے 6ورھیاں دی جنت شامل اے۔ پولیس نے نامعلوم ملزماں خلاف مقدمہ درج کرد ے ہوئے تفتیش شروع کر دتی اے۔