کراچی(پاکستان پوائنٹ نیوز22۔جنوری2018ء) کراچی دے علاقے بن قاسم وچ موجود مدرسے دے قاری نے تشدد کر کے 10 ورھیاں دے بال نوں جانوں مار دتا۔ تفصیل مطابق قاری نظام الدین نے پچھلے دیہاڑے اپنے دس ورھیاں دے شاگرد محمد حسین اُتے ڈاڈھا تشدد کیتا، تشدد دے نتیجے وچ بال زخمی ہو گیا،جہنوں ہسپتال منتقل کیتا گیا پر محمد حسین ڈاڈھے زخماں کارن ہلاک ہو گیا۔
دوجے پاسے بال دے گھر والیاں نے نہ صرف قاری نوں معاف کر دتا بلکہ لاش دا پوسٹمارٹم کروان توں وی انکار کردے ہوئے بال نوں دفنا دتا۔ اطلاع ملدے ای پولیس نے ملزم نوں گرفتار کر کے اوہدے خلاف سرکاری مدعیت وچ مقدمہ درج کر لیا اے۔ مقدمے وچ قتل تے تشدد دی دفعات شامل کیتیاں گئیاں نیں۔ پولیس مطابق ملزم نوں ریمارنڈ لئی عدالت ساہمنے پیش کیتا جائے گا۔
