لاہور(پاکستان پوائنٹ نیوز20۔جنوری2018ء) پنجاب پولیس دی وردی تے بدل گئی پر حرکتاں نہ بدلیاں۔لاہور پولیس نے اک شہری دے چکینگ دے ناں اُتے کپڑے لہوا دتے۔ تفصیل مطابق لاہور دے علاقے نولکھا وچ ایوب نامی سب انسپکٹر نے مظفر نامی شہری دے چیکنگ دے ناں اُتے کپڑے لہوا دتے۔ پولیس رسپانس یونٹ دی ایس کارروائی دی کول کھلوتے شہری نے ویڈیو بنا دتی۔ ویڈیو سوشل میڈیا اُتے آؤندے ای وائرل ہو گئی اے۔ ویڈیو ویکھن والے سارے لوکاں نے پولیس ولوں ایس وڈیرے بندے نال مندے سلوک اُتے غصے دا وکھالا کیتا اے۔ لوکاں دا کہنا اے کہ پولیس دے محکمے وچ تبدیلی لیان لئی وردی بدلن دی بجائے اوہناں دی تربیت کیتی جائے۔ دوجے پاسے پولیس حکام دا کہنا اے کہ شہری نال مندا سلوک کرن والے پولیس اہلکار خلاف کارروائی کیتی جائے گی۔
لاہور پولیس دا شرمناک کم: چیکنگ دے ناں اُتے شہری دے کپڑے لہوا دتے
6 سال پچھے
