لاہور(پاکستان پوائنٹ نیوز15۔نومبر2017ء) چک نمبر 18تحصیل و ضلع ننکاناصاحب دے رہائشی عاطف نے اپنے نال ہون والی زیادتی بارے دسیا کہ پنجاب پولیس ننکانا صاحب دی چوکی نمبر 5دے انچارج محمد بوٹا تے ہور پولیس اہلکار مینوں جھوٹھے مقدمے وچ پھسان لئی میرے گھر ریڈ کرن لئی گئے تے گھر وچ موجود سوانیاں نے دسیا کہ گھر کوئی وی نہیں اے، تُسیں ساڈے گھر کیوں آئے او؟جوا ب وچ پولیس نے اوہناں نوں دسیا کہ عاطف خلاف کُکڑی چوری دا مقدمہ درج اے جہدے اُتے اسیں اوہنوں گرفتار کرنا اے۔
گھر وچ کوئی مرد نہ ہون کارن پولیس نے سوانیاں توں پیسے وی منگے۔ گھر وچ موجود صوبیہ بی بی جو 7مہینیاں توں حاملا سی ، دے ڈھڈ اُتے پولیس نے ڈھنڈے مارے جہدے تے اوہدی حالت وِگڑ گئی تے اوہنوں ہسپتال منتقل کر دتا گیا ۔ جتھے اوہنے دو بالاں نوں جنم دتا پر اوہ چھیتی ای ہلاک ہوگئے۔
