اسلام آباد(پاکستان پوائنٹ نیوز14۔نومبر2017ء) سوانیاں تے نوجوان کُڑیاں نوں تے جنسی درندگی دا نشانہ بنائے جان بارے سنیا سی پر ہن جنور وی ایس درندگی دا شکار ہوندے نظر آ رہے نیں۔ پاکستانی راجدھانی اسلام آ باد وچ اک نوجوان نوں کُکڑی نوں جنسی طور اُتے ہراساں کرن دے جرم وچ گرفتار کر لیا گیا۔ تفصیل مطابق نوجوان نے کُکڑی نوں جنسی طور اُتے ہراساں کرن مگروں مار دتا۔
ایکسپریس ٹربیون دی رپورٹ مطابق 14ورھیاں دے نوجوان نے 14نومبر نوں جلال پور بھٹیاں نیڑے اک کُکڑی نوں ہراساں کیتا۔ کُکڑی دے مالک نے پولیس سٹیشن وچ اک شکایت درج کروائی جہدے مطابق نوجوان نے کُکڑی نوں چُکیا تے اپنے گھر لیا گیا تے اوہنوں جنسی ہراسگی دا نشانہ بنان مگروں مار دتا۔ کُکڑی دے مالک نے دو مقامی بندیاں نوں گواہ دے طور اُتے شکایت وچ نامزد کیتا۔ جلال پور بھٹیاں دے ایس ایچ او سرفراز انجم دا کہنا سی کہ نوجوان نوں کُکڑی دی میڈیکل رپورٹ آن مگروں گرفتار کیتا گیا جہدے وچ کُکڑی نوں جنسی طور اُتے ہراساں کیتے جان دی تصدیق ہوئی۔ایس ایچ او مطابق 14ورھیاں دے ملزم نے اپنے جرم نوں قبول کر لیا اے۔
