اپنے آپ نوں وزیر اعظم دا پُتر آکھ دے فراڈ کرن والا بندہ گرفتار

کراچی(پاکستان پوائنٹ نیوز21۔اگست2017ء) اپنے آپ نوں وزیر اعظم دا پُتر آکھ کے فراڈ کرن والا بندہ گرفتار کر لیا گیا اے۔ تفصیل مطابق کراچی وچ پولیس نے اک اجیہے بندے نوں گرفتار کیتا اے جو اپنے آپ نوں وزیر اعظم دا پُتر آکھ کے فراڈ کر رہیا سی۔ ملزم وڈیاں کمپنیاں نال فراڈ دی کوشش کر رہیا سی کہ پولیس نے اوہنوں گرفتار کر لیا۔ پولیس مطابق ملزم نے کئی اپنے جعلی شناختی کارڈ وی بنوائے ہوئے سن۔ ڈی آئی جی ڈاکٹر جمیل مطابق ملزم دا اصل ناں امجد علی ولد پرویز اے۔ ملزم دے جعلی شناختی کارڈ اُتے والد دا ناں شاہد خاقان عباسی اے۔ ملزم نے اک سرکاری محکمے دا وی جعلی کارڈ بنوایا ہویا سی۔ ڈی آئی جی مطابق ملزم نوں گرفتار کر کے تفتیش لئی نامعلوم تھاں تے منتقل کر دتا گیا اے۔