اسرائیلی تے امریکی کھڈاری نوں ہرا کے اعصام الحق نے اے ایس بی کلاسک ٹینس چیمپئن شپ جِت لئی

آکلینڈ(پاکستان پوائنٹ نیوز14۔جنوری2017ء) پاکستان دے نمبر ون ٹینس سٹار اعصام الحق قریشی نے اے ایس بی کلاسک اے ٹی پی ورلڈ ٹینس چیمپئن شپ دا ڈبلز ٹائٹل اپنے ناں کر لیا اے۔ تفصیل دے مطابق 36ورھیاں دے اعصام الحق قریشی نے آکلینڈ وچ کھیڈے گئے ٹورنامنٹ دوران پولینڈ دے 35ورھیاں دے میٹ کوسکی نال اسرائیلی تے امریکی کھڈاریاں اُتے مشتمل جوڑی نوں ہرا کے ٹائٹل اپنے ناں کیتا،ا عصام تے میٹ کوسکی دی کامیابی دا سکور 6.1 2.6. تے 3.10رہیا۔ دوویں کھڈاری 24380ڈالرز تے 250رینکنگ پوائنٹس وچ برابر دے حصے دار ہون گے۔