پاکستانی جونیئر ہاکی ٹیم نوں بھارتی ویزے تے نہ ملے، پاسپورٹس وی کُھس گئے

پاکستانی جونیئر ہاکی ٹیم نوں بھارتی ویزے تے نہ ملے، پاسپورٹس وی کُھس گئے

اسلام آباد(پاکستان پوائنٹ نیوز06۔دسمبر2016ء) پاکستانی جونیئر ہاکی ٹیم نوں ویزے دین وچ جانکے دیر کرن دے بعد ہُن بھارتی سفارتخانے نے پاسپورٹس دی واپسی وچ وی دیر توں کم لینا شروع کر دِتا۔ تفصیل دے مطابق پاکستان جونیئر ہاکی ٹیم نے ورلڈ کپ وچ رلت لئی بھارت جانا سی تے ویزیاں لئی کھڈاریاں دے پاسپورٹس بھارتی سفارتخانے نوں دِتے گئے پر مودی سرکار دی ایماءاُتے بھارتی سفارتخانے نے ویزے دین توں صاف انکار تے کیتا ای پر ہُن پاسپورٹس واپس کرن لئی وی دیر کیتی جا رہی اے۔

جہدی وجہ توں ملائیشیاءتے اومان وچ شیڈول ہاکی لیگز وچ پاکستانی جونیئر ہاکی ٹیم دی رلت وی خطرے وچ پے گئی اے۔ پاکستان ہاکی فیڈریشن (پی ایچ ایف) دے سیکرٹری شہبازدے مطابق پاسپورٹس دی واپسی لئی بھارتی سفارتخانے نال ای میل دے ذریعے دو وار رابطا کیتا گیا پر اوہناں دا کوئی جواب نہیں آیا۔