سابق ہاکی اولمپیئن منصور احمد چلانا کر گیا

کراچی(پاکستان پوائنٹ نیوز12۔مئی2018ء ) سابق ہاکی اولمپیئن منصور احمد چلانا کر گیا۔ 49ورھیاں دے عالمی شہرت یافتہ گول کیپر منصور احمد داپچھلے کئی مہینیاں توں ’قومی ادارہ برائے قلب‘وچ علاج جاری سی۔منصور احمد دا دل 20فیصد کم کر رہیا سی تے اوہناں دے دل وچ 7سٹنٹس پائے گئے سن جدکہ گُردیاں تے پھیپھڑیاں نے وی کم کرنا چھڈ دتا سی۔ ڈاکٹراں نے اوہناں نوں ہارٹ ٹرانسپلانٹ دا مشورہ دتا سی۔ پر اج سویرے منصور احمد دی حالت وگڑ گئی جیہدے مگروں اوہناں نوں آئی سی یو وچ رکھدے ہوئے ہارٹ لنگز مشین لائی گئی۔ وسیلیاں مطابق منصور احمد نوں ڈائریا دی شکایت ہوئی سی۔