قومی ہاکی ٹیم دے سابق کپتان غضنفر علی اگلے ورلڈ کپ وچ انگلینڈ دی نمائندگی کرن گے

لندن(پاکستان پوائنٹ نیوز03۔جولائی2017ء) قومی ٹیم دے سابق کپتان و سینٹر ہاف غضنفر علی اگلے ورھے ورلڈ کپ وچ انگلینڈ دی نمائندگی کرن گے۔ غضنفر 245توں ودھ میچاں وچ پاکستان دی نمائندگی کرن دے نال نال اولمپکس وچ رلت دا وی اعزاز رکھدے نیں۔ اوہناں نے 1997وچ قومی جونیئر ٹیم لئی کھیڈنا شروع کیتا سی تے 2000وچ انٹرنیشنل ہاکی وچ اپنا ڈیبیو کیتا۔اوہناں نے 2002تے 2006دا ورلڈ کپ کھیڈن دے نال نال 2006دی چیمپئنز ٹرافی وی کھیڈی۔ غضنفر نے 2002دی ایشین گیمز تے ایتھنز اولمپکس 2004وچ وی پاکستان دی نمائندگی کیتی۔ غضنفر علی 10ورھے پہلے برطانیا چلے گئے سن تے پچھلے دِنا ای اوہناں نوں برطانوی شہریت ملی اے۔