کرسٹیانو رونالڈو دا فلسطینی بالاں لئی اک ہور وڈا کم

ماسکو( پاکستان پوائنٹ نیوز19۔جون2018ء ) پرتگال دے مشہور فٹ بالرکر سٹیانورونالڈو نے فلسطینی بالاں لئی اک ہور پیار بھریا کم کیتا اے۔رونالڈو نے دوجا گولڈن بوٹ ایوارڈ نیلام کرن دا اعلان کر دتا۔ میڈیا رپورٹ مطابق رونالڈو نے پہلا ایوارڈ میک اے وش چیریٹی لئی نیلام کیتا سی، جیہدے توں ساڈھے 8کروڑ رُپئے ملے سن۔ ہن گولڈن بوٹ ایوارڈ دی نیلامی نال 56کروڑ رُپئے ملن دا امکان اے۔چیتے رہوے کہ فیفا ورلڈ کپ وچ گروپ ’بی‘ دیاں ٹیماں پرتگال تے سپین وچکار سنسنی خیز مقابلے مگروں میچ تن، تن گول نال برابر ہو گیا سی۔ سٹار فٹ بالر نے ایونٹ دی پہلی ہیٹ ٹرک بنائی۔