فٹبال دے چاہیواناں لئی خشی دی خبر آ گئی

لاہور(پاکستان پوائنٹ نیوز27۔فروری2018ء) لاہور ہائی کورٹ دے ڈویژن بنچ نے فیصل صالح حیات نوں پاکستان فٹبال فیڈریشن (پی ایف ایف) دا چارج سنبھالن دا حکم دے دتا اے۔ لاہور ہائی کورٹ دے 2رکنی بنچ نے سنگل بنچ دا 30جون 2015دا فیصلا کالعدم قرار دے دتا۔ چیتے رہوے کہ لاہور ہائی کورٹ دے سنگل بنچ نے فٹبال فیڈریشن دے الیکشن نوں غیر قانونی قرار دے دتا سی۔ ایہ وی چیتے رہوے کہ پچھلے ورھے اکتوبر وچ انٹرنیشنل فٹبال فیڈریشن (فیفا) نے پاکستان فٹبال فیڈریشن وچ تیجے فریق دی مداخلت اُتے اوہدی رکنیت معطل کر دتی سی، معطلی دی وجہ بنن والاایہ بحران 2015وچ پاکستان فٹبال فیڈریشن (پی ایف ایف) دے الیکشن وچ ہون والیاں بے ضابطگیاں دی وجہ توں پیدا ہویا۔