لندن(پاکستان پوائنٹ نیوز22۔نومبر2017ء) پاکستانی نژاد برطانوی باکسر عامر خان دی بیوی فریال مخدوم نے آسٹریلوی ریالٹی شو وچ رلت کرن والے اپنے شوہر نوں مزاحیہ انداز وچ طنز دا نشانہ بنا دتا۔ عامر خان ایس ویلے آسٹریلیا وچ ریالٹی شو ’آئی ایم سیلبریٹی2107‘ وچ رلت کر رہے نیں جتھے پچھلے دیہاڑے اوہناں دی ٹیم نوں سپ ہتھ وچ پھڑن دا ٹاسک دتا گیا جہنوں اوہناں دے ہور گروپ ممبراں تے آسانی نال پورا کر لیا پر باکسنگ رنگ وچ مخالف کھڈاریاں دے تروہ کڈھن والے سابق عالمی چیمپئن دا اپنا تروہ نکل گیاتے اوہ سپ نوں ہتھ وچ پھڑن دا ٹاسک پورا نہ کر سکے۔
عامر خان دی بیوی نے اپنے شوہر دی ناکامی اُتے سوشل میڈیا ویب سائٹ ٹویٹر اُتے اپنے پیغام وچ لکھیا کہ مینوں نہیں لگدا کہ میرے شوہر عامر خان نوں پتا سی کہ اوہ کہڑی اوکڑ وچ پھسن جا رہے نیں۔
