جرمن کھڈاری، پوڈولسکی نے ریٹائرمنٹ دا اعلان کر دِتا

جرمن کھڈاری، پوڈولسکی نے ریٹائرمنٹ دا اعلان کر دِتا

برلن (پاکستان پوائنٹ نیوز16۔اگست 2016ء) جرمن کھڈاری لوکاس پوڈولسکی نے بین الاقوامی فٹبال کھیڈن توں ریٹائرمنٹ دا اعلان کر دِتا۔ فارورڈ پوزیشن اُتے کھیڈن والے ایس جرمن سٹار نوں فرانس وچ کُجھ دن پہلے ہون والی یورپین چیمپئن شپ وچ بہت گھٹ میدان وچ ویکھیا گیا سی ۔لوکاس پوڈولسکی ایس توں پہلے جرمنی دیاں علاقائی ٹیماں، کولون تے بائرن میونخ توں وکھ آرسنل وچ وی اپنیاں صلاحتاں دے جوہر وکھا چکے نیں۔

جدکہ اوہناں ولوں اپنی ریٹائرمنٹ دا اعلان انسٹا گرام، فیس بک تے ٹوئیٹر اکاؤنٹس اُتے جاری اک بیان وچ کیتا گیا اے۔ پیغام وچ اوہناں دا کہنا سی کہ ہُن اپنے گھر والیاں نال ویلا لنگھانا چاہنا واں۔یاد رہوے کہ پوڈولسکی نے جرمنی ولوں 129 وار کھیڈدے ہوئے 48 گول سکور کیتے۔ اوہ جرمنی ولوں تیجے سبھ توں بُہتے میچ کھیڈن والے تے گول سکور کرن دے حوالے نال چوتھے بہترین کھڈاری نیں۔اوہناں نے 2004 وچ جرمنی ولوں پہلا میچ کھیڈیا سی جہدے بعد اوہناں نے 7 وڈے ٹورنامنٹس وچ اپنے ملک دی نمائندگی کیتی۔