ہونڈورس: فٹبال میچ دوران نس بھج پین دے نتیجے وچ 4بندے ہلاک، 25زخمی

ٹیگو سیگلپا(پاکستان پوائنٹ نیوز31۔مئی2017ء) ہونڈورس وچ فٹبال میچ دوران نس بھج پین دے نتیجے وچ چار بندے ہلاک تے 25توں ودھ زخمی ہو گئے۔ غیر ملکی میڈیا مطابق نیشنل سٹیڈیم وچ موٹاگوا، ہونڈورس تے پروگ ریسو وچکار فائنل میچ توں کُجھ چِر پہلے میچ ویکھن آن والے سینکڑیاں بندیاں نے پولیس دے حصار نوں توڑ کے سٹیڈیم وچ جان دی کوشش کیتی جہدے نتیجے وچ نس بھج پے گئی۔ یونیورسٹی ہسپتال دے ترجمان میگوئل اوسوریو نے دسیا کہ حادثے دے نتیجے وچ گھٹو گھٹ چار بندے ہلاک تے درجناں زخمی ہو گئے۔ حکام نے دسیا کہ حادثے وچ زخمی ہون والے بندیاں نوں ہسپتال منتقل کر دتا گیا اے۔