سڈنی(پاکستان پوائنٹ نیوز20۔جنوری2017ء) قومی ٹیم دے سابق ہیڈ کوچ و لیجنڈری فاسٹ باﺅلر وقار یونس دا کہنا اے کہ تیجا ون ڈے میچ ہارن مگروں گرین شرٹس کول سڈنی دی کنڈیشنز وچ آسٹریلیا کولوں جِتن دا چنگا موقع اے۔ تفصیل دے مطابق میڈیا نال گل بات کردے ہوئے وقار یونس دا کہنا سی کہ بھاویں پاکستان سیریز دے دو میچ ہار گیا اے پر ہن وی سیریز ختم نہیں ہوئی تے پاکستانی ٹیم سڈنی دی کنڈیشنز نوں اپنے حق وچ ورتدیاں ہوئیاں سیریز وچ کم بیک کر سکدی اے۔
یاد رہوے کہ 5ون ڈے میچاں دی سریز دے پہلے میچ وچ پاکستان نوں 92سکور توں آسٹریلیا نے ہرا دِتا سی، دوجے میچ وچ پاکستان نے چھ وکٹاں نال تواریخی فتح حاصل کر کے سریز اک، اک نال برابر کر دِتی پر آسٹریلیا نے پرتھ وچ کھیڈے گئے تیجے میچ وچ پاکستان نوں 7وکٹاں توں ہرا کے سیریز وچ 1.2دی برتری حاصل کر لئی اے۔
