قومی ویمنز کرکٹ ٹیم دی کھڈارن نین عابدی دا ویاہ ہو گیا

کراچی(پاکستان پوائنٹ نیوز06۔جنوری2017ء) پاکستان ویمن کرکٹ ٹیم دی سابق نائب کپتان نین عابدی دا ویاہ ہو گیا۔ تفصیل دے مطابق کراچی دے مقامی ہوٹل وچ منعقد ہون والی تقریب وچ نین عابدی دے دوستاں، رشتے داراں تے پاکستان ویمنز کرکٹ ٹیم دےاں کھڈارناں نے وی رلت کیتی۔ نین نے اپنے سماجی رابطیاں دی ویب سائٹ ٹوئٹر تے انسٹاگرام اُتے ویاہ دیاں تصویراں وی شیئر کیتیاں۔ ایس توں پہلے اک انٹرویو وچ نین آکھ چکیاں نیں کہ ویاہ اوہناں دے کیریئر وچ اوکڑ نہیں بنے گا تے اوہ اپنا کھیڈ جاری رکھن گیاں۔ نین عابدی پاکستان ویمنز کرکٹ ٹیم دی اوہ واحد کھڈارن اے جو سنچری سکور کر چکیاں نیں۔ اوہ 2010وچ وی ٹیم دا حصہ سن جدوں چین وچ ہون والے ایشین گیمز وچ پاکستانی ویمن ٹیم نے سونے دا میڈیل جِتیا سی۔