چپیڑسکینڈل دا ڈراپ سین، سابق ٹیسٹ کرکٹر باسط علی توں دوویں عہدے واپس لے لِتے گئے

لاہور(پاکستان پوائنٹ نیوز02۔جنوری2017ء) پاکستان کرکٹ بورڑ (پی سی بی) نے سابق ٹیسٹ کرکٹر باسط علی توں دوویں عہدے واپس لے لئے۔ تفصیل دے مطابق باسط علی نے اپنے اُتے تنقید کرن والے کرکٹر محمود حامد نوں چپیڑ ماری سی تے بعد وچ ایسے واقعے دے پیش آن توں وی انکار کر دِتا سی پر بعد وں دوویں سابق کرکٹرز نے چیئرمین پی سی بی شہریار خان نال ملاقات کیتی، ملاقات دوران باسط علی نے قبول کیتا کہ اوہنے محمود حامد نوں چپیڑ ماری اے۔ایس سارے واقعے مگروں پی سی بی نے باسط علی نوں ویمن ٹیم دے کوچ تے جونینئر ٹیم دی سلیکشن کمیٹی دے عہدیاں توں ہٹان دا فیصلا کر لیا۔ چیئرمین پی سی بی دے وسیلیاں مطابق باسط علی اُتے آن والے ویلے وچ پی سی بی ولوں کوئی عہدا لین اُتے پابندی نہیں ہووے گی۔