میلبورن ٹیسٹ دے دوران یاسر شاہ تے اظہر علی دا ڈوپ ٹیسٹ

میلبورن(پاکستان پوائنٹ نیوز29۔دسمبر2016ء) آسٹریلیا خلاف باکسنگ ڈے ٹیسٹ دے دوران پاکستانی لیگ سپنر یاسر شاہ تے اوپنر اظہر علی دے ڈوپ ٹیسٹ لتے جان دا انکشاف ہویا اے۔ تفصیل دے مطابق پاکستانی کرکٹ بورڈ دے میڈیا ڈائریکٹر امجد حسین دا کہنا سی کہ دوویں کھڈاریاں دے ڈوپ ٹیسٹ دوجے ٹیسٹ دے تیجے دیہاڑے لِتے گئے نیں جہدی رپورٹ دو ہفتیاں اندر تیار کیتی جائے گی۔ امجد حسین دا ہور کہنا سی کہ ڈوپ ٹیسٹ آئی سی سی دے قانون تے قاعدے مطابق ہوئے جو معمول دی گل اے۔ یاد رہوے کہ لیگ سپنر یاسر شاہ دا انگلینڈ خلاف سیریز وچ وی ڈوپ ٹیسٹ ہویا سی۔