ہندوستانی میڈیا روایتی ہٹ دھرمی وکھاندے ہوئے حنیف محمد دا ریکارڈ اپنے کھڈاری دے ناں کر گیا

جے پور(پاکستان پوائنٹ نیوز27۔دسمبر2016ء) ہندوستانی میڈیا اک وار فیر روایتی ہٹ دھرمی وکھاندے ہوئے لیجنڈری پاکستانی اوپننگ بلے باز حنیف محمد دا ریکارڈ اپنے کھڈاری دے ناں کر گیا۔ تفصیل دے مطابق ہندوستان دے ڈومیسٹک فرسٹ کلاس ٹورنامنٹ ’رانجی ٹرافی‘ دے کوارٹر فائنل وچ گجرات دے اوپننگ بلے باز سنے گوبل نے اڑیسہ خلاف جے پور وچ کھیڈے گئے مقابلے دوران ناٹ آﺅٹ رہندے ہوئے 359رنز دی واری کھیڈی، جہدے اُتے بھارتی میڈیا نے اوہدیاں تعریفاں کرنیاں شروع کر دِتیاں تے ایس دوران مشہور ہندوستانی خبر رساں ادارے ’ٹائمز ناﺅ‘ نے اوہناں دی اننگز نوں فرسٹ کلاس کرکٹ وچ کسے وی اوپنر دی سبھ توں وڈی انفرادی اننگز قرار دے دِتا پر اک پاکستانی پرچا کار نے ’ٹائمز ناﺅ‘ نوں جواب دیندے ہوئے آکھیا کہ لیجنڈری پاکستانی اوپنر حنیف محمد دے 1959وچ کراچی لئی بنائے گئے 499سکور اجے تیکر کسے وی اوپننگ بلے باز دی سبھ توں وڈی اننگز اے۔