بھارتی چاہیوان نے شاہد آفریدی نال ملن دی خاہش دا اظہار کر دِتا

نویں دِلی(پاکستان پوائنٹ نیوز23۔دسمبر2016ء) بھارت وچ شاہد آفریدی دی شرٹ پان اُتے گرفتار کیتے جان والے نپون چودھری نے زندگی وچ اک وار شاہد آفریدی نال ملاقات دی خاہش ظاہر کر دِتی۔ نپون چودھری دا کہنا اے کہ جارحانہ بیٹنگ کرن اُتے میرے پنڈ وچ مینوں شاہد آفریدی آکھیا جاندا اے تے ایہو وجہ اے کہ میں آفریدی وانگ 10نمبر دی شرٹ پائی سی۔ چاہیوان نے آکھیا کہ میں آفریدی نال اک وار ملنا چاہنا واں تے مینوں یقین اے کہ میری ایہ خاہش ضروری پوری ہووے گی۔