میچ جِت جاندے تے بُہتی خشی ہوندی: اسد شفیق

برسبین(پاکستان پوائنٹ نیوز21۔دسمبر2016ء) آسٹریلیا خلاف شاندار اننگز کھیڈکے پاکستان نوں جِتن دی امید دوان والے اسد شفیق نے آکھیا اے کہ اوہناں نوں لگ رہیا سی کہ اسیں نشانے نوں حاصل کر سکدے آں۔ تفصیل دے مطابق میڈیا نال گل بات کردے ہوئے اسد شفیق نے آکھیا کہ جدوں میں بیٹنگ لئی گیا تے، دو یاں تن سکور بنان دے بعد سانوں یقین ہویا سی کہ اسیں میچ جِت جاواں گے، مینوں احساس ہو رہیا سی کہ اسیں ایس نشانے نوں حاصل کر سکدے آں۔ اوہناں نے آکھیا کہ آخری کھڈاری نے بڑا حوصلا وکھایا۔ اوہناں دا کہنا سی کہ جے اسیں میچ وچ کامیابی حاصل کردے تے میں بہت خش ہونا سی کیوں جے اسیں نشانے دے نیڑے ای ساں۔