قومی کرکٹ ٹیم دے سابق ہیڈ کوچ وقار یونس سلمان بٹ دے حق وچ بول پئے

سلمان بٹ نوں انٹرنیشنل کرکٹ وچ واپسی دا اک موقع ملنا چاہیدا: سابق ہیڈ کوچ وقار یونس

قومی کرکٹ ٹیم دے سابق ہیڈ کوچ وقار یونس سلمان بٹ دے حق وچ بول پئے
سلمان بٹ نوں انٹرنیشنل کرکٹ وچ واپسی دا اک موقع ملنا چاہیدا: سابق ہیڈ کوچ وقار یونس

لندن(پاکستان پوائنٹ نیوز19۔دسمبر2016ء) قومی کرکٹ ٹیم دے سابق ہیڈ کوچ وقار یونس میچ فکسنگ دے الزام وچ سزا کٹن والے کھڈاری، سلمان بٹ دے حق وچ بول پئے۔ تفصیل دے مطابق سابق ہیڈ کوچ دا کہنا اے کہ محمد عامر دے بعد تجربا کار اوپنر دی وی انٹرنیشنل کرکٹ وچ واپسی ہونی چاہیدی۔ برطانوی میڈیا دے مطابق ہیڈ کوچ وقار یونس نے آکھیا اے کہ 2010دے فکسنگ سکینڈل وچ سزا کٹن والے سلمان بٹ نوں وی اک موقع ملنا چاہیدا۔

یاد رہوے کہ چالو ورھے جنوری وچ ڈومیسٹک کرکٹ دے ذریعے دوبارا کرکٹ وچ انٹری مارن والے سلمان بٹ نے پورے سیزن وچ کرکٹ دے شوقیناں تے ماہراں نوں اپنی کارکردگی توں متاثر کیتا۔ اوہناں نے واپڈ دی کپتانی کردے ہوئے قائداعظم ٹرافی دے فائنل وچ سنچری سکور کیتا تے ٹیم نوں پہلی وار چیمپیئن بنان وچ اہم کردار ادا کیتا۔