نشانا وڈا سی، تیز کھیڈنا ہار دی وجہ بنیا: کپتان اظہر علی

ہیملٹن(پاکستان پوائنٹ نیوز29۔نومبر۔2016ء) نیوزی لینڈ خلاف دوجے ٹیسٹ وچ ہار اُتے کپتان اظہر علی نے آکھیا اے کہ نشانا وڈا سی، اسیں میچ جِتن لئی تیز کھیڈن دی وجہ توں وکٹاں گوا لئیاں۔ تفصیل دے مطابق ہیملٹن ٹیسٹ وچ 138رنز توں ہارن دے بعد میڈیا نال گل بات کردے ہوئے کپتان اظہر علی دا کہنا سی کہ نیوزی لینڈ دے باﺅلرز نے دوجی نویں گیند نال چنگی باﺅلنگ کیتی، نشانا وڈا سی تے اسیں میچ جِتنا چاہندے ساں پر تیز کھیڈن دی وجہ توں وکٹاں گوائیاں۔ دوجے پاسے کیوی کپتان کین ولیمسن نے آکھیا کہ ٹیسٹ دے آخری دن پاکستان نے چنگی بیٹنگ کیتی، ٹاس ہارن دے بعد ٹیم نے 270سکور بنائے جہناں نے ساڈی جِت وچ اہم کردار ادا کیتا۔