لاہور(پاکستان پوائنٹ نیوز23۔نومبر۔2016ء) کرکٹ وچ کئی ریکارڈ بنائے تے توڑے جا چکے نیں پر اک ایسا اعزاز جو صرف پاکستانی ٹیم ای حاصل کر سکی اے۔ 1952نوں انٹرنیشنل کرکٹ دا سفر شروع کرن والی قومی ٹیم فروری 2012وچ انگلینڈ خلاف دبئی دے مقام اُتے سیریز دے تیجے ٹیسٹ دی پہلی اننگز وچ 99سکور اُتے آﺅٹ ہو جان دے بعد کم بیک کردے ہوئے 71سکور توں جِت گئی سی جہدے بعد ای اوہ پاکستان بنن دے بعد پہلی اننگروچ 100توں گھٹ سکور اُتے آﺅٹ ہون دے باوجود فتح حاصل کرن والی دنیا دی واحد ٹیم بن گئی، پاکستان دے علاوا ہور کوئی ٹیم پچھلے 100ورھیاں وچ ایہ کارناما انجام نہیں دے سکی۔
2012وچ دبئی ٹیسٹ وچ پہلی اننگرز وچ 99سکور اُتے آﺅٹ ہون دے بعد دوجی اننگز وچ اظہر علی تے یونس خان دیاں سنچریاں پاروں پاکستان نے میچ وچ کامیابی حاصل کیتی سی۔ 1950توں ہن تیکر آسٹریلیا 7،نیوزی لینڈ 5، بنگلا دیش 4، سری لنکا تے انگلینڈ 3.3جدکہ ویسٹ انڈیز، زمبابوے 2.2 وار میچ دی پہلی اننگز وچ 100توں گھٹ سکور اُتے آﺅٹ ہوئی پر اوہناں وچوں کوئی ٹیم میچ نہیں جِت سکی۔
پچھلے دنا آسٹریلیا نوں وی ہوہارٹ ٹیسٹ وچ ایہ موقع ملیا سی جدوں اوہ جنوبی افریقا خلاف پہلی اننگز وچ 85سکور اُتے آل آﺅٹ ہو گئی سی پر بعد وچ فاسٹ بیک کر کے میچ اپنے ناں نہ کر سکی، ٹیسٹ کرکٹ وچ میچ دی پہلی اننگرز وچ 100توں گھٹ سکور اُتے آﺅٹ ہو جان دے باوجود میچ جتن دے صرف 6واقعات ہوئے نیں۔ 2012وچ پاکستان ولوں ایہ اعزاز حاصل کرن توں پہلے آخری وار ایہ کارناما انگلینڈ نے جولائی 1907وچ لیڈز دے مقام اُتے جنوبی افریقا خلاف انجام دِتا سی۔
