دبئی(پاکستان پوائنٹ نیوز21۔نومبر۔2016ء) نیوزی لینڈ خلاف پہلا ٹیسٹ میچ ہارن دے بعد پاکستان دی دوجی پوزیشن وی خطرے وچ پے گئی اے، جے پاکستانی ٹیم سیریز دا دوجا ٹیسٹ میچ وی ہار گئی تے ممکنا طور اُتے اوہ تن درجے گراوٹ دا شکار ہو کے 5ویں نمبر اُتے جا سکدی اے پر جے اوہ ہملٹن وچ شیڈول کیویز دے خلاف دوجا ٹیسٹ ڈرا کر کے سیریز صرف ، اک توں ہار وی جاندی اے فیر ای اوہدی دوجی پوزیشن برقرار رہ سکدی اے۔
دوجے پاسے جنوبی افریقا تے آسٹریلیا وچکار سیریز دا تیجا تے آخری ٹیسٹ ڈرا ہو گیا سی تے سیریز وچ اک میچ دے مارجن نال ہارن دے باوجود پاکستان دی دوجی پوزیشن محفوظ ہو سکدی اے نہیں تے جنوبی افریقا تے آسٹریلیا وچوں جو وی سیریز دا تیجا ٹیسٹ جِتے گی اوہ پاکستان دی تھاں یعنی دوجی پوزیشن اُتے آ جاوے گی۔ ایس صورت وچ انگلینڈدی وی بھارت خلاف گھٹو گھٹ دو میچاں دے مارجن نال ہار ضروری ہووے گی۔ ایس توں وکھ جے پاکستان ٹیم سیریز دا دوجا ٹیسٹ جِت کے سیریز 1.1نال برابر کر دیندی اے تے سوائے انگلینڈ دی بھارت خلاف جِت دے ہور جاری دوویں سریز دا کوئی وی نتیجہ پاکستان دی دوجی پوزیشن نوں ہلا نہیں سکے گا۔
