آوارا کتے نے بھارت تے انگلینڈ دا ٹیسٹ رکوا دِتا

وشاکھا پٹنم(پاکستان پوائنٹ نیوز18۔نومبر۔2016ء) بھارت دے اک آوارا کتے نے انگلینڈ تے بھارت وچکار جاری دوجا ٹیسٹ رکوا دِتا، چاہ دے وقفے توں پہلے اچانک سائٹ سکرین دے پچھوں اک براﺅن کتا برآمد ہویا تے فیلڈ وچ وڑ گیا، اوہدے پچھے دو گراﺅنڈمین وی دوڑے، ایس موقعے اُتے پورے سٹیڈیم وچ ہاسا کِھلر گیا تے لوکاں نے تالیاں وی وجائیاں ، صورتحال نوں ویکھدے ہوئے امپائرز نے چار بالز پہلے ای چاہ دا وقفہ کر دِتا۔ ایس سارے واقعے ویلے چتیشور پجارا نوں اپنی سنچری پوری کرن لئی ہور 3سکور چاہیدے سن تے اوہ سٹورٹ براڈ دا ساہمنا کر رہے سن، دوجے اینڈ اُتے ویرات کوہلی 91سکور نال موجود رہے جدکہ کتے نوں بڑی مشکل نال فیلڈ توں باہر کڈھیا گیا۔