مصباح: ایلسٹرکک وچ کامیاب ٹیسٹ کپتان بنن دی دوڑ شروع

کرائسٹ چرچ(پاکستان پوائنٹ نیوز17۔نومبر۔2016ء) قومی ٹیسٹ کپتان مصباح الحق تے برطانوی ٹیسٹ قائد الیسٹرکک وچ دنیا دے کامیاب ترین ٹیسٹ کپتان لئی دوڑ شروع ہو گئی۔ تفصیل دے مطابق موجودا ٹیسٹ کپتاناں وچ مصباح الحق تے الیسٹرکک انتہائی کامیاب رہے نیں، دوویں ای اپنیاں ٹیماں نوں 24.24میچاں وچ کامیابیاں دوا چکے نیں تے ہن اک دوجے توں اگے نکلن لئی کوششاں وچ لگے ہوئے نیں۔ اک پاسے پاکستان تے نیوزی لینڈ دیاں ٹیماں کرائسٹ چرچ وچ آہمنے ساہمنے نیں تے دوجے پاسے انگلینڈ، بھارت وچ میزبان ٹیم خلاف دوجے ٹیسٹ وچ فیلڈنگ کر رہیا اے۔ مصباح الحق آسٹریلیا دے بعد ریٹائرمنٹ دا ارادا رکھدے نیںاوتھے الیسٹرکک وی ایہ اشارا دے چکے نیں کہ اوہ جلدی ای ٹیسٹ ٹیم دی قیادت چھڈ سکدے نیں۔