کرائسٹ چرچ(پاکستان پوائنٹ نیوز16۔نومبر۔2016ء) پاکستان نوں نیوزی لینڈ اُتے ٹیسٹ فار میٹ وچ 31ورھیاں دی حکمرانی برقرار رکھن ورگے چیلنج دا ساہمناہووے گا، ایس عرصے دے دوران دوویں ملکاں وچ ہون والیاں سیزیز وچ 7وچ گرین کیپس جِتی تے باقی 5ڈرا ہوئیاں، مجموعی طور اُتے 21سیزیز وچ وی گرین شرٹس بھاری اے، 13وچ اوہ کامیاب رہے، کیویز صرف دو وار ای جِت سکی اے۔
تفصیل دے مطابق نیوزی لینڈ نے دوجی تے آخری وار پاکستان خلاف 1985وچ ٹیسٹ سیریز وچ ہوم گراﺅنڈ 0.2توں کامیابی حاصل کیتی سی جہدے بعد توں کیویز گرین کیپس توں کوئی سیریز اپنے ناں نہیں کرسکی، پاکستان نے کیوی دیس دا ٹور فروری 1989وچ کیتا جدکہ ایس دوران کھیڈے گئے دوویں ٹیسٹ ڈرا ہوئے سن۔ اکتوبر 1990وچ نیوزی لینڈ پاکستان توں تن ٹیسٹ ہار کے واپس آیا۔
