نوکرانی اُتے تشدد دا الزام ثابت نہ ہون پاروں بنگلا دیشی فاسٹ باﺅلر شہادت حسین رہا

ڈھاکہ(پاکستان پوائنٹ نیوز07۔نومبر۔2016ء) بنگلا دیشی فاسٹ باﺅلر شہادت حسین تے اوہناں دی گھر والی جاسمین جہاں نوں 11ورھیاں دی نوکرانی نوں تشدد دا نشانا بنان دے مقدمے توں بَری کر دِتا گیا اے۔ غیر ملکی میڈیا دے مطابق بالاں تے سوانیاں دے تحفظ لئی سرگرم عدالتی ٹربیونل دی جج تن جینا اسماعیل نے کیس دا فیصلا سنایا۔ اوہناں دا کہنا سی کہ استغاثا ملزماں خلاف الزامات ثابت کرن وچ ناکام رہیا اے، جہدے اُتے جوڑے نوں رہا کیتا جا رہیا اے۔ یاد رہوے کہ متاثرا نوکرانی نے وی کُجھ دن پہلے عدالت وچ بیان دِتا سی کہ شہادت تے اوہناں دی بیوی نے اوہنوں تشدد دا نشانا نہیں بنایا سی۔