شارجہ(پاکستان پوائنٹ نیوز01۔نومبر۔2016ء) تن ٹیسٹ میچاں دی سیریز دے آخری ٹیسٹ وچ پاکستان دے 281سکور دے جواب وچ ویسٹ انڈیز نے تیجے دن کھان پین دے وقفے اُتے 7وکٹاں دے نقصان اُتے 314 سکور بنا لئے۔ شارجہ کرکٹ سٹیڈیم وچ جاری تیجے ٹیسٹ میچ دے دوجے دیہاڑے پاکستان دے 281 سکور دے جواب وچ ویسٹ انڈیز دی پہلی اننگزوچ بیٹنگ جاری اے۔ لیون جانسن تے کریک برتھ ویٹ نے اننگز دا آغاز کیتا پر جانسن اک سکور بنا کے وہاب ریاض دا شکار بنیا جدکہ ڈیرن براﺅ 11مارلن سیموئل بغیر کوئی سکور بنائے واپس پرت گئے جدکہ بلیک ووڈ وی 23 سکور ای بنا سکے جہدے بعد اوپنر نے روسٹن چیز نال رلکے 83سکور دی ساجھے داری بنائی پر چیز 50 سکور بنا کے محمد عامر دا نشانا بنے۔
اوپنر برتھ ویٹ نے شین ڈوریج نال رلکے 6ویں وکٹ لئی 83 سکور دی پارٹنر شپ قائم کیتی پر اک وار فیر ساتھی کھڈاری برتھ ویٹ دا ساتھ چھڈ گئے، ڈوریج 47 سکور بناکے آﺅٹ ہوئے۔ یاد رہوے کہ دوجے دن دے آخیر اُتے ویسٹ انڈیز نے 6 وکٹاں دے نقصان اُتے 244 سکور بنا لئے سن جدکہ براتھ ویٹ 95 سکور بنا کے وکٹ اُتے موجود نیں۔ پاکستان ولوں محمد عامر تے وہاب ریاض نے 2,2 جدکہ یاسر شاہ تے ذوالفقار بابر نے اک اک وکٹ لئی۔
