شارجہ(پاکستان پوائنٹ نیوز31۔اکتوبر۔2016ء) 3ٹیسٹ میچاں دی سیریز دے آخری ٹیسٹ وچ پاکستان دی پوری ٹیم ویسٹ انڈیزخلاف 281سکور بنا کے آﺅٹ ہو گئی اے، جواب وچ ویسٹ انڈیز نے کھانے دے وقفے اُتے 3وکٹاں گوا کے 38 سکور بنائے لئے نیں۔ تفصیل دے مطابق شارجہ کرکٹ سٹیڈیم وچ جاری تیجے ٹیسٹ میچ دے دوجے دیہاڑے پاکستان دے281 سکور دے جواب وچ ویسٹ انڈیز نے کھانے دے وقفے اُتے 3وکٹاں دے نقصان اُتے 38 سکور بنائے لئے نیں۔
لیون جانس 1 سکور کر کے وہاب ریاض دا شکار بنے جدکہ محمد عامر نے ذوالفقار بابر دی گیند اُتے شاندار کیچ پھڑ کے ڈیرن براوو دی اننگز دا خاتما کیتا، ویسٹ انڈیز دے تیجے آﺅٹ ہون والے کھڈاری مارلن سیموئلز سن جو کوئی وی سکور نہ بناسکے تے یاسر شاہ دی گیند اُتے ایل بی ڈبلیو آﺅٹ ہوئے۔ یاد رہوے کہ ایس توں پہلاں پاکستان دی پوری ٹیم پہلی اننگز وچ 281 سکور بنا کے آﺅٹ ہو گئی۔
