شارجہ(پاکستان پوائنٹ نیوز31۔اکتوبر۔2016ء) 3ٹیسٹ مچاں دی سیریز دے آخری ٹیسٹ وچ پاکستان دی پوری ٹیم 281 سکور بنا کے آﺅٹ ہو گئی۔ شارجہ کرکٹ سٹیڈیم وچ کھیڈ جا رہے تیجے میچ وچ قومی ٹیم ولوں اننگز دا آغاز سمیع اسلم تے اظہر علی نے کیتا پر پہلے ای اوور وچ اظہرعلی 0تے اسد شفیق وی بغیر کھاتا کھولے واپس پرت گئے۔ اک سکور اُتے دو وکٹاں ڈِگن دے بعد سمیع اسلم تے یونس خان نے ذمے وارانا بیٹنگ دا وکھالا کیتا تے دوواں وچکار 106 سکور دی ساجھے داری قائم ہوئی، 107 دے مجموعی سکور اُتے یونس خان 51 سکور بنا کے روسٹن چیز دی گیند اُتے آﺅٹ ہوئے۔
مصباح53، سمیع اسلم 74 تے سرفراز احمد 51رنز بنا کے واپس پرتے۔ ویسٹ انڈیز لئی گیبریل نے 3، بشو نے 4 تے چیز نے اک شکار کیتا۔ ایس توں پہلے ٹاس جِت کے پاکستان دے کپتان مصباح الحق نے پہلے بیٹنگ دا فیصلا کیتا۔ اوہناں دا کہنا سی کہ وکٹ بہت ٹف اے تے باﺅلرز نوں بہت محنت کرنی ہووے گی پر اگے چل کے وکٹ سپنرز لئی بہتر ہو سکدی اے۔
