پی ایس ایل:لیوک رونگی ولوں پاکستان آن دا اعلان

پی ایس ایل:لیوک رونگی ولوں پاکستان آن دا اعلان

آکلینڈ(پاکستان پوائنٹ نیوز17۔نومبر۔2018ء) پاکستان سپر لیگ(پی ایس ایل) دی چیمپئن فرنچائز اسلام آباد یونائیٹڈ دے کیوی وکٹ کیپر وبیسٹمین لیوک رونکی نے پاکستان آن دا اعلان کردے ہوئے آکھیا اے کہ اوہ اپنی ٹیم نال نیں تے 20نومبر نوں اسلام آباد اپڑ کے ڈرافٹنگ دی تقریب وچ وی رلت کرن گے۔ اسلام آباد یونائیٹڈ دے آفیشل اکاؤنٹ توں جاری ویڈیو وچ لیوک رونکی نے آکھیا کہ اوہ ایس گل نوں جاننا چاہندے نیں کہ ہور کیہڑے کھڈاری ایس وار پی ایس ایل دی فرنچائز دا حصہ ہون گے۔

وسیلیاں مطابق ایس گل دی آس اے کہ مصباح الحق تے جین پال ڈومین دی عدم موجودگی وچ لیوک رونکی نوں کپتان بنایا جائے پر اسلام آباد یونائیٹڈ دے ترجمان نے واضح کیتا اے کہ کپتان دے ناں دا اعلان ڈرافٹنگ مگروں ای کیتا جائے گا۔