ابوظہبی(پاکستان پوائنٹ نیوز15۔نومبر۔2018ء) پاکستان دی توجہ وائٹ توں ریڈ گیند کرکٹ ول ہو گئی تے کل توں نیوزی لینڈ خلاف شروع ہون والے پہلے ٹیسٹ دیاں تیاریاں جاری نیں۔ نیوزی لینڈ نال ٹی ٹونٹی تے ون ڈے میچ کھیڈن مگروں ہن پاکستانی ٹیم دی توجہ ٹیسٹ کرکٹ ول ہو گئی اے۔ ایس سلسلے وچ بدھ نوں کھڈاریاں نے شیخ زید سٹیڈیم وچ بھرپور پریکٹس کیتی۔ کیویز نال تن ٹیسٹ دی سیریز دی شروعات کل توں ہو رہی اے۔
دوجے پاسے مہمان ٹیم کین ولیمن دی فٹنس دے حوالے نال پریشان اے۔ اوہ گروئن انجری مگروں بارش دی نذر ہون والا تیجا ون ڈے نہیں کھیڈ سکے سن۔ پر کوچ گیری سٹیڈنوں آس اے کہ ولیمن جمعے توں شروع ہون والے میچ تیکر فٹ ہو جان گے۔ اوہناں نے آکھیا کہ پہلے ولیمن نوں گروئن وچ معمولی تکلیف سی پر فیر روگ ودھ گیا ۔ ہن بہتری آ رہی اے۔ سانوں آس اے کہ اوہ پہلے ٹیسٹ تیکر فٹ ہو سکدے نیں۔
