میں شوگر اُتے قابو پان لئی روز دوڑ لانا واں: وسیم اکرم

کراچی(پاکستان پوائنٹ نیوز14۔نومبر۔2018ء) پاکستان کرکٹ ٹیم دے سابق کپتان و سوئنگ دے سلطان وسیم اکرم نے شوگر دے عالمی دیہاڑ اُتے ایس بیماری دے شکار بندیاں لئی اہم پیغام دِتا اے۔ سماجی رابطے دی ویب سائٹ فیس بک اُتے اپنے اک پیغام وچ وسیم اکرم نے آکھیا کہ مینوں وی شوگر دا روگ اے۔ اپنے پیغام وچ سوئنگ دے سلطان نے آکھیا کہ میں اپنے ایس روگ نُوں کنٹرول کرن لئی روز دوڑ لاناواں تے ایہدے نال ورزش وی کرنا آں۔ اوہناں نے آکھیا کہ جے میں ایہ کم کر سکدا آں تے فیر تُسیں کیوں نہیں کر سکدے۔ وسیم اکرم نے شوگر دے روگیاں نُوں ہمت دواندیاں ہویاں کہیا کہ ہن ویلا آ گیا اے کہ اپنے روگ نُوں کنٹرول کرن لئی محنت شروع کیتی جاوے۔