کراچی(پاکستان پوائنٹ نیوز14۔نومبر۔2018ء) چیئرمین پاکستان کرکٹ بورڈ(پی سی بی) احسان مانی دا آکھنا اے کہ سرفراز احمد ای ورلڈ کپ 2019تیکر پاکستانی کرکٹ ٹیم دے کپتان ہون گے۔ پی ایس ایل دے چوتھے ایڈیشن دا فائنل وی کراچی دے نیشنل سٹیڈیم وچ ہوئے گا۔ چیئرمین پی سی بی احسان مانی نے کراچی دے نیشنل سٹیڈیم وچ پریس کانفرنس کردے ہوے آکھیا اے کہ کراچی کرکٹ دی نرسری اے۔
جو کرکٹرز کراچی توں آئے اوہناں دا کوئی متبادل نہیں اے۔ نیشنل سٹیڈیم وچ جاری ترقیاتی کماں دا جائزہ لین کراچی آیا واں۔ اوہناں نے آکھیا کہ پی سی بی وچ تبدیلیاں آن گیاں پر ویلے لگے گا۔ تسلی کر کے تبدیلیاں کراں گا چھیتی نہیں کراں گا۔ چیئرمین پی سی بی نے آکھیا کہ بھارت وچ عام انتخابات تیکر سیریز اُتے کوئی پیشرفت دی آس نہیں۔
