دبئی(پاکستان پوائنٹ نیوز13۔نومبر۔2018ء) آئی سی سی دی ون ڈے رینکنگ وچ انگلینڈ دی ٹیم پہلے تے پاکستان اِک پوائنٹ د ے وادھے نال پنجویں نمبر اُتے موجود اے۔ تفصیل مطابق آئی سی سی نے نویں ون ڈے رینکنگ جاری کر دِتی اے ۔رینکنگ مطابق انگلینڈ پہلے، بھارت دوجے، نیوزی لینڈ تیجے تے جنوبی افریقہ چوتھے نمبر اُتے اے۔ کھڈاریاں دی رینکنگ وچ ویرات کوہلی دا بیٹنگ وچ نمبر ون پوزیشن اُتے قبضہ برقرار اے۔
بابراعظم پنجویں تے فخر زمان گیارھویں نمبر اُتے نیں۔ بولنگ وچ بھارت دے جسپریت بومرا پہلی‘ افغانستان دے راشد خان دوجی تے پاکستان دے حسن علی 13 ویں پوزیشن اُتے نیں۔ آل راؤنڈرز وچ افغانستان دے راشد خان نمبر ون پوزیشن اُتے نیں‘ پاکستان دے محمد حفیظ چوتھے نمبر اُتے جد کہ عماد وسیم 22 ویں پوزیشن اُتے نیں۔
