سنیل گواسکر تے سنجے منجریکر وڈے حادثے توں بچ گئے

دوویں کرکٹر کیمنٹری باکس دے بوہے دا شیشہ اُتے ڈِگن توں بچ گئے

سنیل گواسکر تے سنجے منجریکر وڈے حادثے توں بچ گئے
دوویں کرکٹر کیمنٹری باکس دے بوہے دا شیشہ اُتے ڈِگن توں بچ گئے

لکھنو (پاکستان پوائنٹ نیوز07۔نومبر۔2018ء) بھارتی کرکٹ ٹیم دے سابق کپتان سنیل گواسکر تے سنجے منجریکر اِک وڈ ے حادثے توں وال وال بچ گئے۔ تفصیلات مطابق اُتر پردیش حکومت ولوں اکانا کرکٹ سٹیڈیم جیہنوں ہُن اٹل بہاری واجپائی دے ناں نال منسوب کر دِتا گیا اے دے کیمنٹری باکس دا شیشے دا بوہا ٹُٹ کے کرچی کرچی ہو گیا‘ جہڑے ویلے ایہ حادثہ پیش آیا اوس ویلے سنیل گواسکر تے سنجے منجریکر بوہے توں داخل ہون والے سن پر قسمت دی دیوی نے اوہناں دا ساتھ دِتا تے دوویں اِک خوفناک حادثے توں وال وال بچ گئے‘ ایس حادثے توں بعد میڈیا نال گل کردیاں ہویاں سنجے منجریکر دا کہنا سی کہ جویں ای میں تے سنیل گواسکر بوہے دے کول اپڑے بوہا ٹُٹ کے کرچی کرچی ہو گیا پر خُش قسمتی نال ایس حادثے وچ ساڈے دوناں سنے کوئی وی زخمی نہیں ہویا۔

اوہناں دا کہنا سی کہ ایہ انتظامیہ دی نا اہلی اے جیہدی وجہ توں اِک وڈا حادثہ وی ہو سکدا سی۔