عمر گل قومی ٹیسٹ سکواڈ وچ واپسی دے خاب ویکھن لگے

اک گل جاننا واں کہ ٹیسٹ فارمیٹ دی موجودہ ٹیم نوں تجربے دی ضرورت اے:فاسٹ باؤلر

عمر گل قومی ٹیسٹ سکواڈ وچ واپسی دے خاب ویکھن لگے
اک گل جاننا واں کہ ٹیسٹ فارمیٹ دی موجودہ ٹیم نوں تجربے دی ضرورت اے:فاسٹ باؤلر

لاہور(پاکستان پوائنٹ نیوز02۔نومبر۔2018ء) عمر گل قومی ٹیسٹ سکواڈ وچ واپسی دے خاب ویکھن لگے۔ تفصیل مطابق قومی ٹیم وچ نویں پلیئرز تے خاص کر فاسٹ باؤلرز دی آمد دے بعد 34ورھیاں دے عمر گل دی واپسی آسان نہیں لگدی۔ پر حبیب بنک لئی قائد اعظم ٹرافی دے چھ میچاں وچ 21وکٹاں تے محمد حفیظ دی ٹیسٹ ٹیم وچ سنچری نال واپسی نے اوہناں دے دل وچ ایہ امنگ پیدا کر دتی اے کہ اوہ وی واپسی دے بعد ٹیم لئی بہتر ثابت ہو ن گے۔

عمر گل مطابق اوہناں نوں لگدا اے کہ موجودہ ٹیم فاسٹ باؤلنگ دے شعبے وچ اینا تجربہ نہیں رکھدی تے ٹی ٹونٹی سکواڈ وچ تھاں بنانا تے ناممکن پر ون ڈے تے ٹیسٹ ٹیم وچ آسان اے کیونکہ دوویں فارمیٹس وچ گرین شرٹس نوں کوششاں دا ساہمنا اے۔ ستمبر 2016وچ آخری وار قومی ٹیم دی نمائندگی کرن والے 34ورھیاں دے پیسر نے ایشیا کپ دا حوالا دتا جتھے پاکستانی پیسرز نوں ڈاڈھیاں اوکڑاں دا ساہمنا رہیا ۔

اوہناں دا آکھنا سی کہ ٹیسٹ ٹیم صرف اک چنگی کارکردگی دے ملک فاسٹ باؤلر محمد عباس اُتے انحصار کر رہی اے پر ہور باؤلرز فاسٹ باؤلنگ دا بھار چُکن وچ ناکام نیں۔ عمر گل مطابق پاکستانی ٹیسٹ ٹیم تجربے دی کمی دا شکار اے تے اوہ ایس مسئلے نوں حل کر سکدے نیں کیونکہ قائداعظم ٹرافی وچ اوہناں دی کارکردگی کسے توں لُکی ہوئی نہیں اے۔