ممبئی(پاکستان پوائنٹ نیوز30۔اکتوبر۔2018ء) شعیب ملک تے ثانیہ مرزا نے پُتر دے ناں دا اعلان کر دتا، سٹار قومی کرکٹر و بھارتی ٹینس سٹار نے پُتر نوں اذہان مرزا ملک دا ناں دے دتا۔ تفصیل مطابق قومی کرکٹ ٹیم دے نامور کھڈاری شعیب ملک تے اوہناں دی گھر والی ٹینس سٹار دے گھربال دا جنم ہویا۔ ایس بارے شعیب ملک نے آپ سوشل میڈیا پیغام راہیں بال دے پیدا ہون دی خبر دتی۔
دوجے پاسے شعیب ملک دے جدی گھر وچ وی جشن دا سماں اے تے مبارکباد دین والیاں دی لائن لگ گئی اے۔ ڈی جی آئی ایس پی آر آصف غفور نے وی آل راؤنڈر شعیب ملک تے اوہناں دی گھر والی ثانیہ مرزا لئی نیک خاہشاں دا اظہار کیتا۔ سابق کپتان شاہد آفریدی نے وی مبارکباد تی تے آکھیا کہ رب تہاڈے خاندان نوں خش رکھے۔ شعیب ملک نوں مبارکباد دین والیاں وچ حسن علی، محمد عامر، جنید خان، عثمان شنواری، سہیل تنویر، بسمہ معروف، کائنات امتیاز سنے سوانی کھڈارناں وی شامل نیں۔ سماجی رابطیاں دی ویب سائٹ اُتے سابق تے موجود کھڈاریاں ولوں شعیب ملک تے اوہناں دی گھر والی ثانیہ مرزا نوں مبارکباد دین دا سلسلا اجے وی جاری اے۔
