لاہور(پاکستان پوائنٹ نیوز30۔اکتوبر۔2018ء) قومی کرکٹر ٹیم دے آل راؤنڈر شعیب ملک دے گھر پُتر ہویا اے۔ تفصیل مطابق قومی کرکٹر ٹیم دے آل راؤنڈر شعیب ملک دے گھر پُتر ہویا اے۔ایس سلسلے وچ شعیب ملک دے جدی گھر وچ وی جشن دا سماں اے تے مبارکباد دین والیاں دی لائن لگ گئی اے۔ ڈی جی آئی ایس پی آر آصف غفور نے وی آل راؤنڈر شعیب ملک تے اوہناں دی گھر والی ثانیہ مرزا لئی نیک خاہشاں دا اظہار کیتا۔
سابق کپتان شاہد آفریدی نے وی مبارکباد تی تے آکھیا کہ رب تہاڈے خاندان نوں خش رکھے۔ شعیب ملک نوں مبارکباد دین والیاں وچ حسن علی، محمد عامر، جنید خان، عثمان شنواری، سہیل تنویر، بسمہ معروف، کائنات امتیاز سنے سوانی کھڈارناں وی شامل نیں۔ سماجی رابطیاں دی ویب سائٹ اُتے سابق تے موجود کھڈاریاں ولوں شعیب ملک تے اوہناں دی گھر والی ثانیہ مرزا نوں مبارکباد دین دا سلسلا اجے وی جاری اے۔
