لاہور(پاکستان پوائنٹ نیوز23۔اکتوبر۔2018ء) آئی سی سی دی ٹی ٹونٹی 20رینکنگ وچ پاکستان 132پوائنٹس نال ٹاپ اُتے آگیا۔ آئی سی سی ولوں جاری ہون والی ٹی ٹونٹی 20رینکنگ وچ پاکستان نے 132پوائنٹس نال ٹاپ پوزیشن اُتے قبضہ کیتا۔ پاکستانی کھڈاری فخر زمان دوجے نمبر جدکہ بولنگ وچ شاداب خان وی دوجی پوزیشن لین وچ کامیاب رہے ۔ آل راؤنڈر وچ کوئی وی پاکستانی ٹاپ 5وچ تھاں نہ بنا سکیا۔
ٹی ٹونٹی رینکنگ وچ بھارت 124پوائنٹس نال دوجے تے آسٹریلیا اک پوائنٹ دے فرق نال تیجے نمبر اُتے اے۔ انگلینڈ چوتھے، نیوزی لینڈ5ویں، جنوبی افریقہ 6ویں، ویسٹ انڈیز7ویں، افغانستان8ویں، سری لنکا 9ویں تے بنگلا دیش 10ویں نمبر اُتے اے۔ پاکستانی کھڈاری فخر زمان دوجے تے بابر اعظم چوتھے نمبر اُتے نیں۔ آسٹریلیا دے ایرون فنچ دا راج اے جدکہ بھارت دے کوکیش راہول تیجے تے نیوزی لینڈ دے کولن منرو چوتھے نمبر اُتے نیں۔
بولنگ وچ پاکستان دے شاداب خان دی دوجی پوزیشن جدکہ عامر دا 13واں نمبر اے۔ آل راؤنڈر وچ پاکستان دا کوئی وی کھڈاری ٹاپ 5وچ تھاں نہ بنا سکیا۔ آسٹریلیا دے گلین میکسویل پہلے، افغانستان دے محمد نبی دوجے، بنگلا دیش دے شکیب الحسن تیجے، جنوبی افریقہ دے ڈومینی چوتھے نمبر اُتے نیں۔
