ابوظہبی(پاکستان پوائنٹ نیوز19۔اکتوبر۔2018ء) پاکستان نے ابوظہبی ٹیسٹ وچ آسٹریلیا نوں 373سکور توں ہرا کے 2ٹیسٹ میچاں دی سیریز 0-1نال اپنے ناں کر لی اے۔تفصیل مطابق ابوظہبی ٹیسٹ وچ چوتھے دن آسٹریلیا نے اک وکٹ دے نقصان اُتے 47سکورنال اپنی نامکمل اننگز شروع کیتی پر محمد عباس نے اک وار فیر شاندار باؤلنگ دا وکھالا کردے ہوئے ٹرویس ہیڈ نوں 36سکور اُتے کیچ آؤٹ کروایا تے فیر مچل مارش نوں5سکور اُتے ایل بی ڈبلیو آؤٹ کر واکے پویلین واپس گھلیا۔
ایہدے مگروں اوہناں نے کینگرو اوپنر ایرون فنچ نوں 31سکور اُتے ایل بی ڈبلیو آؤٹ کیتا تے فیر آسٹریلوی کپتان ٹم پین بغیر کوئی سکور کیتے وکٹاں وچ آن والی گیند نوں چھڈن دے نتیجے وچ بولڈ ہو کے واپس چلے گئے۔ انج پاکستان نے ابوظہبی ٹیسٹ وچ آسٹریلیا نوں 373سکور توں ہرا کے 2ٹیسٹ میچاں دی سیریز 0-1نال اپنے ناں کر لی۔ محمد عباس نے ٹیسٹ میچ دوران 10کھڈاریاں دا شکار کیتا۔
