لاہور(پاکستان پوائنٹ نیوز18۔اکتوبر۔2018ء) آسٹریلیا خلاف 3ٹی ٹونٹی میچاں دی سیریز لئی 15رکنی قومی سکواڈ دا اعلان کر دتا گیا اے۔ تفصیل مطابق قومی ٹیم دے چیف سلیکٹر انضمام الحق نے آسٹریلیا خلاف 3میچاں دی سیریز لئی 15رکنی سکواڈ دا اعلان کیتا۔ ٹیم وچ تجربہ کار لیفٹ آرم فاسٹ باؤلر محمد عامر نوں ڈراپ کیتا گیا اے جدکہ فٹنس معیار اُتے پورا اُٹرن مگروں آل راؤنڈر عماد وسیم دی ٹیم وچ واپسی ہوئی اے تے اک ہور لیفٹ آرم فاسٹ باؤلر وہاب ریاض نوں وی ٹیم وچ شامل نہیں کیتا گیا۔
چیف سلیکٹر دا آکھنا سی کہ وقاص مقصود نوں ڈومیسٹک کرکٹ تے اے ٹیم دی پرفارمنس مگروں شامل کیتا گیا اے۔ چُنی گئی ٹیم وچ سرفرازاحمد(کپتان و وکٹ کیپر) فخر زمان، محمد حفیظ،صاحبزادہ فرحان، بابراعظم، شعیب ملک، آصف علی، حسین طلعت، شاہین شاہ آفریدی، عثمان شنواری، عماد وسیم، حسن علی، فہیم اشرف، شاداب خان تے وقاص مقصود شامل نیں۔ یاد رہوے کہ ٹی ٹونٹی میچ 28,26,24اکتوبر نوں متحدہ امارات وچ ہون گے۔
