میچ فکسنگ دا الزام، آفریدی نے جاوید میانداد نوں لیگل نوٹس گھل دِتا

لاہور(پاکستان پوائنٹ نیوز14۔اکتوبر۔2016ء) قومی کرکٹ ٹیم دے سابق کپتان شاہد آفریدی نے میچ فکسنگ دے الزاماں اُتے لیجنڈری بلے باز جاوید میانداد نوں لیگل نوٹس گھلیا اے۔ ایڈووکیٹ محمد نعیم خان ولوں گھلے گئے لیگل نوٹس وچ آکھیا گیا اے کہ شاہد آفریدی ولوں جاوید میانداد اُتے تنقید کیتی گئی جہدے بعد میانداد ولوں آفریدی اُتے الزام لایا گیا، جے میانداد کول ایس سلسلے وچ کوئی ثبوت ہے اے تے اوہ دیوے، جے انج نہیں اے تے اوہ معافی منگے۔ یاد رہوے کہ شاہد آفریدی نے ایتوار دے دیہاڑے میڈیا نال گل بات کردے ہوئے لیجنڈری کرکٹر نوں تنقید دا نشانا بنایا سی جہدے بعد جاوید میانداد نے شاہد خان آفریدی اُتے سپاٹ فکسنگ دا الزام لایا سی۔