دبئی(پاکستان پوائنٹ نیوز17۔ستمبر۔2018ء) بھارت نے ایشیاء کپ دے بائیکاٹ لئی بہانے بنانے شروع کر دتے، بھارت ابوظہی وچ میچ کھیڈن توں انکاری، 19ستمبر دے میچ وچ ہارن والی ٹیم نوں ابوظہبی وچ دو میچ کھیڈنے پین گے۔ تفصیل مطابق بھارت نے ایشیاء کپ دے بائیکاٹ لئی بہانے بنانے شروع کر دتے نیں۔ بھارتی کرکٹ ٹیم نے ایشین کرکٹ کونسل توں منگ کیتی اے کہ اوہناں دا کوئی وی میچ ابوظہبی وچ نہ رکھیا جائے۔
بھارتی کرکٹ ٹیم نے قوائد خلاف جاندے ہوئے دبئی وچ ای سارے میچ کھیڈن دی منگ کیتی اے۔ پاکستان تے بھارت وچکار 19ستمبر دے میچ وچ ہار ن والی ٹیم نوں ابوظہبی وچ دو میچ کھیڈنے پین گے۔ ہار دے ڈر کارن بھارتی ٹیم سفری تھکاوٹ تے گرمی دا بہانہ بنا ندے ہوئے ابوظہبی وچ میچ نہیں کھیڈنا چاہندی تے اپنی منگ پوری نہ ہون دی صورت وچ ٹورنامنٹ دے بائیکاٹ دی دھمکی دے رہی اے۔ چیتے رہوے کہ پاکستان تے بھارت دیاں ٹیماں وچکار ایشیا کپ کرکٹ ٹورنامنٹ دا اہم میچ بدھ نوں دبئی وچ کھیڈیا جائے گا۔ پاکستان تے بھارت وچکار میچ 19ستمبر نوں دبئی وچ شیڈول اے جدکہ دوناں ٹیماں وچکار ہون والے میچ دے سارے ٹکٹ پہلے ای وک گئے نیں۔
