میرے بال دی نیشنیلٹی کسے تیجے ملک دی ہوئے گی: شعیب ملک

لاہور(پاکستان پوائنٹ نیوز07۔ستمبر۔2018ء) قومی کرکٹر شعیب ملک تے اوہناں د ی گھر والی بھارتی ٹینس سٹار ثانیہ مرزا دا ہون والا بال نہ تے بھارتی نیشنل ہوئے گا تے نہ ای پاکستانی بلکہ اوہدی نیشنیلٹی کسے تیجے ملک دی ہوئے گی۔ تفصیل مطابق قذافی سٹیڈیم لاہور وچ میڈیا نال گل بات کردے ہوئے شعیب ملک دا کہنا سی کہ میرا ہون والا بال پاکستان تے بھارت دا نیشنل نہیں ہوئے گا بلکہ اوہدی نیشنیلٹی کسے تیجے ملک دی ہوئے گی۔ اوہناں نے آکھیا کہ ڈلیوری ویلے میں اپنی بیوی کول رہنا چاہنا واں تے ایس بارے ٹیم مینجمنٹ نے مینوں اجازت دتی ہوئی اے۔ شعیب ملک دا کہنا سی کہ باپ بننا بہت خشی دی گل ہوندی اے، چاہیوان دعا کرن کہ سارے معاملات خیریت نال ہو جان۔